Humakot ang College of Criminal Justice and Criminology (CCJC) Cheetahs ng dalawampu’t isang gintong medalya sa larangan ng Track and Field events ng Intramurals 2023 Athletics competition sa Quezon National Highschool (QNHS), Okt. 28.
Nanguna sa iba’t ibang kategorya sa mga larangan ng takbuhan ang Cheetahs kabilang ang 200-meter, 400-meter, 800-meter, at relay sa mga kalalakihan habang pawang mga Cheetah naman ang nagdomina sa lahat ng event sa dibisyon ng mga kababaihan.
Sina Darryl Jay Manuba at Luke Salamante ng ang tila naging star athletes ng Cheetas sa larangan sa kanilang naiambag na dalawa at tatlong gintong medalya para sa kanilang departamento. Si Krisrelle Daniel naman ang namayani para sa CCJC sa mga kababaihan.
Kapwa mga Cheetahs rin ang nagwagi sa shot put, discuss throw, javelin throw, at long jump sa dibisyon ng mga kababaihan habang sa discuss throw, javelin throw, long jump, at triple jump naman ang dinomina ng mga kalalakihan.
Sa kabuuan, nakapag-uwi ng 34 na medalya ang Cheetahs na binubuo ng 21 na ginto, 10 na pilak at 3 na tanso. Pumangalawa sa kanila ang College of Engineering (CEng) Tigers na nakakuha ng kabuuang pitong medalya at College of Business and Accountancy (CBA) Lions ang nasa ikatlong pwesto na may 6 na medalya.
