Sa kabila ng maraming proyekto at aktibidad na isinusulong ang Pamantasan ng Enverga upang mapaangat at mas makilala ang institusyon.
Ngunit marami pa ring agam-agam ang kumakalat sa loob ng Unibersidad, mga isyung lumalaganap ukol sa iba’t-ibang usapin, plano kaya ng institusyon na puksain ang kumakalat na isyu na ‘to?
Kamakailan nagkaroon ng isyu tungkol sa ibinabang anunsyo ng University Student Collegiate Council (UCSC) ukol sa Resolution No.9 series of 2022 kung saan pinapayagan ang mga estudyante na suotin ang kanilang department shirt tuwing araw ng biyernes.
Umalingawngaw ang balita na mayroong departamento na hindi pinapayagan ang kanilang estudyante na suotin ang kanilang department shirt kahit na mayroong ibinabang resolusyon mula sa itaas. Walang silbi ang resolusyon kung hindi naman ito aaprubahan ng ibang departamento, gayunman, binabalewala lamang nila ang desisyon ng mas nakatataas.
Kasabay nito ang pagkausap ng isang guro sa isang staff sa loob mismo ng opisina sa OSAS kung saan kinausap niya at sinabing hindi niya pinahihintulutan ang hawak niyang departamento na magsuot ng department shirt tuwing biyernes taliwas sa nasabing resolusyon.
Ilan sa mga estudyante ng nasabing departamento ay tila nadismaya at naguluhan sapagkat ibinahagi ng page nila ang anunsyo ng UCSC ngunit pagpasok nila ay napagsabihan silang bawal umano ito gamitin tuwing biyernes.
Maaari panahon na para ayusin ang nasabing pagpili ng departamentong magsusuot ng kanilang department shirt tuwing biyernes o kung tawagin ay wash day.
