Nagbigay ng Php 31,601.00 na donasyon sa Student Economic Enterprise Development (SEED) Program ng Office of Student Affairs and Services (OSAS) ang MSEUF Graduating Class 2024 na pinangunahan ni President Mandy Joyce Samar, Hulyo 27.
Sa isang seremonya sa loob ng OSAS Building, tinanggap ni OSAS Director Joana Fe Panganiban ang nasabing donasyon na mula sa natirang budget noong nakaraang recollection.
Ayon kay Samar, isang Accountancy graduate, nais nilang matulungan ang mga estudyante sa pamamagitan ng pagbibigay ng access sa pinansyal na suporta upang mapaunlad ang mga negosyo sa pamamagitan ng pagtaas ng financial fund o working capital.
“We wanted to put our remaining funds to good use, and supporting student entrepreneurship felt like a perfect fit. We’ve noticed a growing interest in business among students, whether as a primary income source or a side hustle,” aniya.
Ang Student Economic Enterprise Development (SEED) ay isang programang binuo ng OSAS na layuning matulungan ang mga estudyanteng negosyante o mga nagbabalak na magnegosyo na umangat ang kanilang pangkabuhayan sa pamamagitan ng pagsasabuhay ng aktibidad na pang-negosyo.
Samantala, tinanggap ni OSAS Director Panganiban ang pondo at sinabing ito ay malaking tulong sa paglago ng financial resources na makakatulong sa mga estudyanteng negosyante sa Enverga University.
